Ինքնաթիռն ընկել է բնակելի տների վրա. կա զոհ. ԱՄՆ

Կալիֆոռնիայի Սիմի Վելի քաղաքում ինքնաթիռն ընկել է բնակելի տների վրա: Այս մասին հայտնում է  ABC-ն։

Ինքնաթիռում միայն օդաչուն է եղել, նա մահացել է։ Վթարի հետևանքով վնասվել են երկու բնակելի տուն, հրդեհ է բռնկվել։ Արտակարգ իրավիճակի վայր է ուղարկվել 40 հրշեջ։ Շենքերի ներսում գտնվող մարդիկ չեն տուժել։

ԱՄՆ Դաշնային ավիացիոն վարչության տվյալներով՝ ինքնաթիռը թռիչք է կատարել Լանկաստերի Ուիլյամ Ֆոքս օդանավակայանից և ուղևորվում էր դեպի Կամարիլո օդանավակայան, որը գտնվում է Լոս Անջելեսից մեկ ժամվա հեռավորության վրա։

Վթարի ենթարկված ինքնաթիռը Van's Aircraft RV-10 էր՝ մեկ շարժիչով, նշել է գործակալությունը։