ՔՊ-ական պատգամավորի մասնակցությամբ վթար է եղել
ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը NEWS.am-ի հետ զրույցում մանրամասներ է ներկայացրել այսօր իր մասնակցությամբ տեղի ունեցած ավտովթարից:
«Հանդիպակաց կողմից էդ մեքենան խփեց մոտ երեք մեքենայի, 4-րդ մեքենան մենք էինք: Մերը թեթեւ է վնասվել»,-ասելն է նա:
Պատգամավորը հավելել է, որ առաջին մեքենայում կար վիրավոր, տեղափոխեցին հիվանդանոց:
Հավելենք` այսօր առավոտյան Երեւանի լենինգրադյան փողոցում ավտովթար է տեղի ունեցել՝ 4 ավտոմեքենաների մասնակցությամբ: Իրար են բախվել «Օպել», «Կիա», «Մերսեդես» եւ «Լեքսուս» մակնիշի ավտոմեքենաները:
«Լեքսուս» մակնիշի 111 OO 12 համարանիշներով ավտոմեքենայում գտնվել է ԱԺ ՔՊ խմբակցության պատգամավոր Գագիկ Մելքոնյանը:
Նշենք, որ ամենաքիչը տուժել է Գագիկ Մելքոնյանի ավտոմեքենան, քանի որ նա եղել է ամենավերջինը եւ աննշան է վնասվել: Ավելի ուշ Գագիկ Մելքոնյանը մեկ այլ ավտոմեքենայով հեռացել է դեպքի վայրից:
