Այլ ցուցումներ դեռ չեն եղել․ Պեսկով
ՌԴ նախագահ Վլադիմիր Պուտինը Ուկրաինայի էներգետիկ օբյեկտների ուղղությամբ հարվածների մորատորիումի վերաբերյալ նոր ցուցումներ չի տվել։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Գերագույն գլխավոր հրամանատարի այլ ցուցումներ դեռ չեն եղել»,-ասել է Պեսկովը:
Հիշեցնենք` մարտին կայացավ Ռուսաստանի և ԱՄՆ–ի առաջնորդներ Վլադիմիր Պուտինի և Դոնալդ Թրամփի հեռախոսազրույցը։ Մարտի 18-ին Պուտինը ռուսական բանակին հրամայեց չհարվածել Ուկրաինայի էներգետիկ օբյեկտներին, ինչը ենթադրում էր, որ Կիևը նույնպես պետք է այդ քայլին գնա 30 ընթացքում։ Սակայն արդեն մարտի 20-ին ՌԴ քննչական կոմիտեն հայտնեց, որ ուկրաինական զինյալները նպատակաուղղված պայթեցրել են Կուրսկի մարզի «Սուջա» գազաբաշխիչ կայանը։
Մարտի 24-ին Էր Ռիադում տեղի ունեցան ԱՄՆ-ի և ՌԴ–ի պատվիրակությունների հերթական բանակցությունները։ Վաշինգտոնի ներկայացուցիչները հանդիպեցին նաև ուկրաինական կողմի հետ։ Մարտի 25-ին Կրեմլի մամուլի ծառայությունը հայտնեց, որ համաձայնեցվել է ռուսական և ուկրաինական այն էներգետիկ օբյեկտների ցանկը, որոնց վրա հարձակվել չի կարելի։ Դրանց թվում են նավթավերամշակման գործարանները, նավթագազատարները (պահեստները), ատոմակայանները, ՀԷԿ–երի ամբարտակները և այլն։
