Թրամփը Պուտինին վերջնաժամկետ է տվել

ԱՄՆ նախագահ Դոնալդ Թրամփը հայտարարել է, որ Ռուսաստանի առաջնորդ Վլադիմիր Պուտինին «վերջնաժամկետ» է տվել Ուկրաինայում հրադադարին համաձայնություն տալու համար։ 

«Ես վերջնաժամկետ եմ սահմանել ՌԴ նախագահ Վլադիմիր Պուտինին՝ պատերազմն ավարտելու համար»,- ասել է Թրամփը։

Վերջնաժամկետի հետ կապված նա մանրամասներ չհայտնեց։

Թրամփն ավելի վաղ հայտարարել էր, որ սահմանել է «հոգեբանական վերջնաժամկետ»՝ ժամկետ, երբ Ռուսաստանը և Ուկրաինան պետք է պայմանավորվեն հրադադարի շուրջ։ Նա ճշգրիտ ամսաթիվ չի նշել՝ նշելով, որ Ռուսաստանի նախագահ Վլադիմիր Պուտինը «ցանկանում է գործարք կնքել», մինչդեռ Ուկրաինայի նախագահ Վլադիմիր Զելենսկին տատանվում է հանքանյութերի վերաբերյալ գործարքի շուրջ։ Սպիտակ տան ղեկավարը հավելել է, որ չնայած Ռուսաստանի և Ուկրաինայի նախագահների միջև առկա ատելությանը, նրանք պետք է հաղթահարեն իրենց տարաձայնությունները՝ հանուն խաղաղության։