Բացասական ազդեցություն կունենա. Սիմոնյանը՝ Գյումրու մասին

Տրամաբանական եմ համարում, որ ամենաշատ ձայներ հավաքած ուժն ընտրի քաղաքապետ։ Այս մասին լրագրողների հետ զրույցում ասել է ՀՀ ԱԺ նախագահ Ալեն Սիմոնյանը:

«Մնացած տարբերակները չեմ կարծում, որ ժամանակի և իրականության մեջ աշխատող տարբերակներ են ունենալու, կարծում եմ, որ դա բացասական ազդեցություն կունենա Գյումրիում բարեփոխումների հետ կապված։ Չեմ կարծում, որ այդ «մեկժամյա կոալիցիան» կկարողանա ապահովել բնականոն գործունեությունը»,- նշեց Սիմոնյանը։

Նա նաև ասել է, որ Գյումրիում իրենք պարտություն չեն կրել, քանի որ կուսակցությունը ստացել է երկու անգամ ավելի ձայն, քան 2–րդ տեղի ներկայացուցիչ։

«Ժողովրդավար երկրներում, որտեղ ամեն ինչ կանոններով է, շատ հազվադեպ է լինում, երբ 50+1 ձայն որևիցե կուսակցություն հավաքում է»,- նշեց Սիմոնյանը՝ անդրադառնալով իրենց թիմի ոչ բավարար քանակով ձայն հավաքելուն։