Հիստերիայի պատճառով՝ փորձում է խափանել․ Զախարովա
Կիևը Ռուսաստանի էներգաօբյեկտների վրա հարձակումներով փորձում է խափանել Ռուսաստանի և ԱՄՆ-ի միջև սկսված երկխոսությունը: Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է «Ռիա Նովոստի»-ն։
«Միանգամայն ակնհայտ է, որ այդ հարձակումները ռազմական նշանակություն չունեն։ Ինչպես նշում է Ռուսաստանի պաշտպանության նախարարությունը, բոլոր օբյեկտները հուսալիորեն պաշտպանված են, միջադեպերի հետևանքներն օպերատիվ կերպով վերացվում են, բնակչության համար սպառնալիք չկա, բայց հենց դրանում է կայանում Կիևի ռեժիմի մտահղացումը: Ոչ թե իրական վնաս հասցնել, ինչը սկզբունքորեն անհնար է Ուկրաինայի զինված ուժերի ներկայիս վիճակում, այլ արևմտյան ԶԼՄ-ներում հերթական հիստերիայի համար տեղեկատվական առիթ ստեղծել և փորձել խափանել Մոսկվայի և Վաշինգտոնի միջև սկսված երկխոսությունը», - ասել է Զախարովան։
