Հարյուր տարվա մանկավարժ եմ` եկել էս ինձ բան սովորացնես․ Փաշինյան
Բանակում ինչ լինում է՝ բոլորս հարձակվում ենք Պաշտպանության նախարարության վրա։ Այս մասին կառավարության նիստում ասել է վարչապետ Նիկոլ Փաշինյանը։
«Հա լավ՝ մեկ, երկու, երեք, չորս, տասը, հետո, երբ ուսումնասիրում ես, կարդում ես, մեկ էլ ասում ես՝ մի րոպե, բայց այս պրոբլեմներից ոչ մեկը բանակում չի ձևավորվել, բոլոր պրոբլեմները քաղաքացիական կյանքից կտոր-կտոր գալիս են ու մի տեղ են հավաքվում, ու սա չենք հասկանում»,- ասաց նա։
Ըստ Փաշինյանի՝ բանակում ինչ-որ բան անելն արդեն ուշ է, պետք է մանկապարտեզից կամ դպրոցից սկսել։
«Մեր երեխաները դպրոցից դուրս են գալիս հոգեբանական պատրաստություն չունենալով, կյանք են մտնում հոգեբանական պատրաստություն չունենալով, հոգեբանորեն թույլ լինելով, թույլ կամքով։ Ատեստավորմանն էլ շատ վատ են նայում, ասում են հարյուր տարվա մանկավարժ եմ եկել էս ինձ բան սովորացնես։ Ոչ ոք չի ուզում ինչ-որ մեկին նեղացնել, կամ բան սովորեցնել»,- նշեց նա։
