Ես վատ չեմ զգացել Ադրբեջանի պաշտոնակցի խոսքերից․ Խանդանյան
Հայաստանն առաջ է տանում խաղաղության գործընթացը, այս մասին հայտարարել է «Քաղաքացիական պայմանագիր» կուսակցության պատգամավոր Սարգիս Խանդանյանը։
«Ես կարծում եմ՝ պետք է շարունակել այս տրամադրվածությամբ աշխատել, իհարկե, միակողմանի գործընթաց չէ, բայց, այնուամենայնիվ, մենք որոշ արդյունքերի հասել ենք»,- ասաց Խանդանյանը։
Խանդանյանը չցանկացավ մեկնաբանել Ադրբեջանցի պաշտոնակցի խոսքերը, ով իրեն անվանել էր «պոպուլիստ»։
«Ես դա չեմ կիսում, բայց եթե դա այդպիսի ընկալում ունի, ինձ համար պրոբլեմ չէ լինել պոպուլիստ, եթե դա միտված է խաղաղությանը։ Պոպուլիզմը սարսափելի բառ չէ, եկեք դրանից չվախենանք։ Ես դրանից բացարձակ վատ չեմ զգացել»,- ընդգծեց Խանդանյանը։
Հավելենք, որ Ադրբեջանի Միլլի Մեջլիսի արտաքին և միջխորհրդարանական հարաբերությունների հանձնաժողովի նախագահ Սամադ Սեյիդովը մերժել է «Քաղաքացիական պայմանագիր» կուսակցության պատգամավոր, ԱԺ արտաքին հարաբերությունների հանձնաժողովի նախագահ Սարգիս Խանդանյանի առաջարկը՝ հանձնաժողովների հանդիպում անցկացնելու վերաբերյալ։
