Չեմ բացառում՝ կուսակցությունում խնդիրներ կան․ Խանդանյան
«Քաղաքացիական պայմանագիր» կուսակցությունը հիվանդ չէ, բայց նույնիսկ առողջ մարդը շատ հաճախ գնում է առողջարան, որ ավելի լավ զգա իրեն։ Այս մասին ճեպազրույցում ասել է «Քաղաքացիական պայմանագիր» կոսակցության պատգամավոր Սարգիս Խանդանյանը՝ անդրադառնալով մանդատը վայր դրած պատգամավոր Վիլեն Գաբրիելյանի հայտարարությանը, որ իրենց կուսակցությունը ունի լրջագույն առողջացման և կերպարանափոխման կարիք:
«Կուսակցությունում խնդիրներ կան, որևէ մեկը չի բացառում։ Ավելի լավը դարձնելու խնդիր կա։ Շատ եմ ափսոսում, որ Վիլեն Գաբրիելյանի նման գործընկեր չեմ ունենա խորհրդարանում»,- նշեց նա։
