Թույլ չեմ տա ինձ վերացնել․ Մարին լը Պեն
Վստահ եմ, որ դեռ շանս ունեմ մասնակցելու 2027 թվականին Ֆրանսիայի նախագահի ընտրություններին։ Այս մասին հայտարարել է Ֆրանսիայի «Ազգային միավորում» կուսակցության առաջնորդ Մարին լը Պենը, հայտնում է «ՏԱՍՍ»-ը։
«Ես ուժեղ եմ, թույլ չեմ տա ինձ վերացնել, ես դեռ շանս ունեմ մասնակցելու 2027 թվականին Ֆրանսիայի նախագահի ընտրություններին։ Ասեմ, որ ոչ մի դեպքում չեմ հեռանա քաղաքականությունից։ Նախագահական ընտրություններին իմ մասնակցության համար կա նեղ ճանապարհ, բայց այն գոյություն ունի»,- ասել է պատգամավորը:
Հիշեցնենք, որ Փարիզի դատարանը Մարին լը Պենին մեղավոր է ճանաչել Եվրախորհրդարանի միջոցները վատնելու համար:
«Դատարանի որոշումը քաղաքական բնույթ է կրում, կարելի է ասել, որ օրենքի գերակայությունն ամբողջությամբ խախտվել է։ Ես հնարավորինս արագ կբողոքարկեմ այդ որոշումը»,- նշել է Մարին լը Պենը։
