SpaceX–ն արձակել է Crew Dragon–ը, որն առաջին անգամ կմտնի բևեռային ուղեծիր

Ամերիկացի միլիարդատեր, գործարար Իլոն Մասկին պատկանող SpaceX ընկերությունն արձակել է Crew Dragon տիեզերանավը, որն առաջին անգամ կմտնի բևեռային ուղեծիր։

Գործարկումը տեղի է ունեցել մասնավոր ֆինանսավորմամբ Fram2 մարդատար առաքելության շրջանակներում, որին ներգրավված է ամբողջովին քաղաքացիական անձնակազմ: Այն երեքից հինգ օր կանցկացնի տիեզերքում և, վերադառնալով Երկիր, վայրէջք կկատարի Կալիֆոռնիայի ափերի մոտ:

CNN-ը հիշեցնում է, որ դեռևս միայն մեկ նավ է կարողացել մոտենալ բևեռներին ավելի, քան մյուսները՝ խորհրդային «Վոստոկ 6»-ը 1963 թվականին: Այնուամենայնիվ, այն թռչել է 65 աստիճան թեքության անկյան տակ, մինչդեռ Crew Dragon-ը կձգտի 90 աստիճան անկյան, այսինքն՝ հասարակածին խիստ ուղղահայաց դիրքի: