Ֆրանսիական հեռուստաալիքը ներողություն է խնդրել Հայաստանից
Arte France հեռուստաալիքը «28 րոպե» հաղորդաշարի ընթացքում՝ մի դրվագում հրապարակել էր քարտեզ, որտեղ Հայաստանը նշված չէր։ Հեռուստաալիքը ներողություն է խնդրել միջադեպի համար․
«Ներողություն ենք խնդրում Հայաստանից՝ սխալ քարտեզ ցուցադրելու համար»,– ասել է հաղորդավարուհին:
Հիշեցնենք, որ Ֆրանսիայում և գերմանիայում հեռարձակվող Arte France հեռուստաալիքը «28 րոպե» հաղորդաշարի ընթացքում հրապարակել Հարավային Կովկասի քարտեզը, որից Հայաստանը պարզապես ջնջված էր և ներառված Ադրբեջանի կազմում։
Le Figaro հանդեսի փոխտնօրեն Ժան-Քրիստոֆ Բյուիսոնը X- ում գրել էր. «Ես ոչ մի վայրկյան չեմ հավատում, որ դա միտումնավոր է արվել՝ Arte France-ի «28 րոպե»-ի կամ ադրբեջանական հեռուստալոբբիի գործողությունների արդյունքում, բայց այդ սխալը շատ ցավալի է աչքերի և սրտի համար. Հայաստանը պարզապես ջնջված էր Կովկասի քարտեզից։ Էրդողանի և Ալիևի երազանքը...»։
