ԱՄՆ–ն դպրոցական չէ, մեզ ընկերներ պետք չեն. Fox News–ի հաղորդավար
Ամերիկյան Fox News հեռուստաալիքի վարող Ջեսի Ուոթերսն իր հեղինակային ծրագրի եթերում կոչ է արել ԱՄՆ-ին չվախենալ իր դաշնակիցներից և հայտարարել է միջուկային զենքի կիրառման օգտակարության մասին՝ հիշեցնելով Ճապոնիայի մասին, որը դրանից հետո դարձավ Վաշինգտոնի հավատարիմ դաշնակից:
«Այն բարեհաճությունը, որ ցուցաբերել ենք մյուս երկրներին, հենց դա մեզ շատ խնդիրների մեջ է գցել», - ասել է Ուոթերս՝ ավելացնելով, որ ցանկացած երկիր պետք է իր շահերը դնի ամեն ինչից վեր։
Համաձայն ամերիկացի հեռուստաաստղի կարծիքի՝ ԱՄՆ-ն կարող է բիզնես անել մյուս երկրների հետ, եթե շահերը համընկնում են։ «Եթե ոչ... ինչ արած, այսպես է կյանքը», - նշել է լրագրողը։
Հաջորդիվ նա ենթադրել է, որ ԱՄՆ-ը, հնարավոր է, պետք է «վառի մի քանի կամուրջ» Դանիայի հետ հարաբերություններում, որպեսզի ստանա Գրենլանդիան։
Ուոթերսը չի տեսնում դրանում ոչ մի վատ բան։
«Մենք ատոմային ռումբեր նետեցինք Ճապոնիայի վրա՝ և հիմա Խաղաղ օվկիանոսում չունենք ավելի հավատարիմ դաշնակից», - ասել է նա։
Հեռուստահաղորդավարի խոսքով՝ հնարավոր է, որ այժմ պետք է «վառենք մի քանի կամուրջ», որպեսզի կառուցենք նոր մեծ ու գեղեցիկ կամուրջ՝ ամերիկացիների հաջորդ սերունդների համար։
«Ամերիկան ազատ է պատմության բեռից։ Թրամփը գիտի, թե ինչ պետք է անենք», - եզրափակել է Ուոթերսը։
