Ի՞նչ է առաջարկել Պուտինը՝ պատերազմը ավարտելու համար

ՌԴ նախագահ Վլադիմիր Պուտինն առաջարկել է ԱՄՆ-ի, եվրոպական երկրների և Ռուսաստանի գործընկերների  հետ քննարկել ՄԱԿ-ի հովանու ներքո Ուկրաինայում ժամանակավոր միջազգային վարչակազմի ներդրման հնարավորությունը, գրել է «ՏԱՍՍ»-ը։

«Այն բանի համար, որպեսզի այնտեղ ժողովրդավարական ընտրություններ անցկացվեն, որպեսզի իշխանության գա ժողովրդի վստահությունը վայելող գործունակ կառավարություն, այնուհետև նրանց հետ բանակցություններ սկսել խաղաղության պայմանագրի շուրջ, ստորագրել օրինական փաստաթղթեր, որոնք կճանաչվեն ողջ աշխարհում և կլինեն հուսալի ու կայուն», - ասել է ՌԴ նախագահը:

Ըստ Պուտինի՝ արտաքին վերահսկողությունը հնարավորություն կտա Ուկրաինայում ընտրություններ անցկացնել և իշխանության բերել կառավարություն, որի հետ ՌԴ-ն կարող է բանակցություններ վարել և հուսալի փաստաթղթեր ստորագրել։

«Ուկրաինայի կառավարումը որոշվում է երկրի սահմադրությամբ և ժողովրդի կողմից, իսկ Ուկրաինայի ներկայիս իշխանությունը լեգիտիմ չէ, պետք է իշխանության գա գործունակ կառավարություն, ում հետ կշարունակենք մեր բանակցությունները և գուցե ավարենք այն»,- նշել է ՌԴ նախագահը։