Ուսանողին ի՞նչն է խանգարում, նստել հեծանիվ, գալ դասի, հետ գնալ տուն․ Փաշինյան
Այն ուսանողներին և դասախոսներին, ովքեր դիտարկում են կամ պատրաստ են դիտարկել հեծանիվով գնալ դասի և վերադառնալ տուն կամ հեծանիվը օգտագործել որպես տրանսպորտային միջոց, կառավարությունը պատրաստ է աջակցել՝ այդ նպատակով վերցրած վարկի տոկոսի սուբսիդավորման ձևով։ Այս մասին հայտարարել է վարչապետ Նիկոլ Փաշինյանը։
«Սա նախ տրանսպորտային ծանրաբեռնվածության խնդիր կարող է լուծել երկարաժամկետում: Երկրորդը առողջ ապրելակերպի խթանումն է: Սա կարծում եմ՝ լավ ծրագիր է: Անգամ Երևանից 10 կմ հեռավորության վրա գտնվող որևէ գյուղում, մարդիկ ասում են, ուսանողական ձրի ավտոբուսը լինի, բայց ժողովուրդ ջան, ուսանողին ի՞նչն է խանգարում, նստել հեծանիվ, գալ դասի, հետ գնալ տուն»,- ասել է վարչապետը։
Վարչապետը հավելեց, որ քաղաքական գերիշխանության տրամաբանությունը, պետք է փոխել քաղաքացիական գերիշխանության տրամաբանությամբ։
«Վերջ տվեք ամենալավ մեքենան ունենալու մտքին։ Ես անձամբ հեծանիվով Երևանի բոլոր չակերտավոր, անմատչելի տարածքներն անցել եմ։ Շատ նորմալ առավոտյան մարզանք է»,- նշել է նա։
