Մենք ստիպված էինք ընտրություն կատարել. Հռոմի Պապը մոտ էր մահվանը. Բժշկական թիմ

Հռոմի Պապ Ֆրանցիսկոսը, հիվանդանոցում թոքաբորբով բուժվելիս, այնքան մոտ էր մահվանը, որ բժիշկները ստիպված էին ընտրություն կատարել՝ թողնել նրան հեռանա, թե առաջ գնալ: Այս մասին ասել է Հռոմի պապի բժշկական թիմի ղեկավարը:

Ֆրանցիսկոսը ավելի քան հինգ շաբաթ անցկացրել է Հռոմի Ջեմելի հիվանդանոցում, որտեղ բուժվել է թոքաբորբից:

Հիվանդանոցում գտնվելու ընթացքում նա ունեցել է շնչառական չորս ճգնաժամ, որոնցից ամենակրիտիկականը եղել է փետրվարի 28-ին։

«Մենք բոլորս գիտակցում էինք, որ իրավիճակը էլ ավելի է վատացել, և կար վտանգ, որ նա չի դիմանա»,- հայտնել է վիրաբույժ Սերջիո Ալֆիերին:

«Մենք ստիպված էինք ընտրություն կատարել՝ դադարեցնե՞լ բուժումը և թողնել նրան հեռանա, թե՞ առաջ գնալ և փորձել փրկել բոլոր հնարավոր դեղերով և թերապիաներով՝ միաժամանակ ունենալով այլ օրգաններ վնասելու շատ բարձր ռիսկ: Ի վերջո, մենք ընտրեցինք այս ճանապարհը»:

Հենց պապի անձնական բուժքույր Մասիմիլիանո Ստրապետին էր, ով հանձնարարել էր թիմին շարունակել բուժումը՝ ասելով նրանց. «Փորձեք ամեն ինչ, մի հանձնվեք»,- ասել է Ալֆիերին:

Հռոմի Պապը լիովին գիտակցում էր, որ գուցե չդիմանա.

«Մենք տեսանք մի մարդու, ով տառապում էր: Բայց առաջին օրվանից նա ցանկանում էր, որ մենք իրեն ճշմարտությունն ասենք իր վիճակի մասին»,- եզրափակել է նա: