Մենք դեռևս չենք պատասխանել Թրամփին. Արաղչի
Իրանը դեռ չի պատասխանել ԱՄՆ նախագահի նամակին: Այս մասին Երևանում իր հայ գործընկեր Արարատ Միրզոյանի հետ համատեղ ասուլիսի ժամանակ հայտարարել է Իրանի ԱԳ նախարար Սեյեդ Աբբաս Արաղչին։
«Մենք դեռևս չենք պատասխանել ԱՄՆ նախագահի նամակին, բայց այդ նամակի պատասխանը պատրաստման փուլում է, և համապատասխան ձևով դա կներկայացվի:
ԱՄՆ-ի հետ մեր բանակցությունները միանգամայն հստակ են, և ռազմական սպառնալիքների ֆոնին, և տնտեսական պատժամիջոցների ավելացման պայմաններում:
ԱՄՆ-ի հետ չենք ունենա ուղիղ բանակցություն, բայց Իրանը միշտ պատրաստ է եղել խաղաղ միջուկային ծրագրի շուրջ՝ թափանցիկություն ստեղծելու համար բանակցի եվրոպական երեք երկրների հետ և մյուս երկրների հետ, որոնք շահագրգռված են: Մենք ունենք բանակցություններ մեր միջուկային ծրագրերի հետ կապված և մենք չենք լքի բանակցային սեղանը»- ասել է Արաղչին:
