Տագնապով հետևում էինք իրադարձություններին․ Էրդողան

«Մենք տագնապով հետևում էինք իրադարձություններին»։ Այս մասին հայտարարել է Թուրքիայի նախագահ Ռեջեփ Թայիփ Էրդողանը երկրում տեղի ունեցող բողոքի ակցիաների ֆոնին և ընդդիմությանը կոչ է արել «չխաղալ թուրք ժողովրդի նյարդերի հետ»:

«Ես արդեն մի քանի անգամ կոչ եմ արել ձեզ դադարեցնել սադրանքների միջոցով խաթարել մեր քաղաքացիների անդորրը։ Եթե համարձակություն ունեք, հաշվետու եղեք կոռուպցիայի, գողության, կաշառքի, կատարված խախտումների համար: Եթե դուք երաշխավորում եք ընթացիկ հետաքննության մեղադրանքների և ձերբակալված մարդկանց համար՝ դուրս եկեք և բացահայտ ասեք դրա մասին: Եթե դուք մտադիր չեք դա անել, մի խաղացեք ժողովրդի նյարդերի հետ», - հայտարարել է Թուրքիայի ղեկավարը ՝ նախարարների կաբինետի նիստից հետո հանդես գալով ժողովրդին ուղղված ուղերձով։

Նշենք, որ Ստամբուլի ձերբակալված քաղաքապետ, ընդդիմադիր Ժողովրդահանրապետական կուսակցության անդամ Էքրեմ Իմամօղլուի դեմ բողոքի ակցիաները շարունակվում են անցած շաբաթվանից Անկարայում, Ստամբուլում, Իզմիրում և մի շարք այլ քաղաքներում: