Լրագրողը պատահմամբ ավելացվել է ԱՄՆ վարչակազմի խմբային քննարկմանը

The Atlantic-ի գլխավոր խմբագիրը պատահաբար ավելացվել է ԱՄՆ վարչակազմի խմբային զրույցին, որտեղ քննարկվուն էր Եմենի հութիների ուղղությամբ հարվածները:

 Ըստ Ջեֆրի Գոլդբերգի, մարտի 11-ին նա Signal մեսենջերում միացման հարցում է ստացել մի օգտատերից, ով իրեն ներկայացրել է որպես Սպիտակ տան ազգային անվտանգության խորհրդական Մայքլ Ուոլց։ Մի քանի օր անց լրագրողը ծանուցում է ստացել, որ իրեն ընդգրկում են «Houthis PC Close Group» կոչվող չաթում։

Բացի Ուոլսից,  մեսենջերի խմբում եղել են պաշտպանության նախարար Փիթ Հեգսեթը, պետքարտուղար Մարկո Ռուբիոն և փոխնախագահ Ջ.Դ.Վենսը:

Գոլդբերգն ասել է, որ ինքը հետևել է «հետաքրքրաշարժ քաղաքական քննարկման», որտեղ Վենսը համաձայն չէ Հութիներին անհապաղ հարվածելու Թրամփի որոշման հետ և առաջարկել է հետաձգել ռմբակոծությունը:

 Նամակագրության իսկությունը լրագրողին հաստատել է ԱՄՆ Ազգային անվտանգության խորհրդի մամուլի քարտուղար Բրայան Հյուզը. «Դա կարծես հաղորդագրությունների իսկական շղթա է, և մենք հետաքննում ենք, թե ինչպես է պատահաբար ավելացվել ձեր համարը դրան»: