ՆԳ նախարարը` Երևանում ադրբեջաներեն երգողների մասին
ՀՀ ներքին գործերի նախարար Արփինե Սարգսյանը անդարադարձել է սոցցանցերում հունվարի 30-ին հրապարակված և մեծ աղմուկ բարձրացրած տեսանյութին, որում մի խումբ անձինք Հանրապետության հրապարակում Ղարաբաղի մասին ադրբեջաներեն երգ էին երգում։
«Անձինք իրավունք ունեն իրենց հանգիստն անցկացնել։ Այդ դեպքով ԱԱԾ–ն հայտարարությամբ է հանդես եկել։ Խնդրում եմ չշահարկել այդ դրվագը և չբերել ինչ–որ միջպետական հարաբերությունների դաշտ»,–նշեց Արփինե Սարգսյանն`Ազգային ժողովում լրագրողների հետ հարցազրույցի ժամանակ:
Հիշեցնենք`հունվարի 31-ին ԱԱԾ-ն հանդես եկավ հայտարարությամբ,որ երգող անձինք Իրանի Իսլամական Հանրապետության քաղաքացիներ են:
Տեսանյութը տարածած անձը` Ղարիբ Բաբայանը,փետրվարի 1-ին ձերբակալվեց, բայց չկալանավորվեց,քանի որ դատարանը մերժեց միջնորդությունը:
ՀՀ վարչապետ Նիկոլ Փաշինյանը ևս փետրվարի 12-ին անդրադարձել է տարածված տեսանյութին` ընդդիմությանը մեղադրելով Հանրապետության հրապարակում ադրբեջաներեն «Ղարաբաղ» երգողների տեսանյութը բեմադրելու համար։
