ՀՀ զինված ուժերում հրապարակվել է բանակի վերափոխման նոր համակարգ. Սուրեն Պապիկյան

ՀՀ զինված ուժերում հրապարակվել է բանակի վերափոխման նոր համակարգ, ինչպես նաև գործողությունների ծրագիր: Այս մասին հայտարարել է ՀՀ պաշտպանության նախարար Սուրեն Պապիկյանը ՝ ԱԺ պաշտպանության և անվտանգության մշտական հանձնաժողովի նիստում:

«Զենքի և ռազմական տեխնիկայի արդիականացման, ինչպես նաև նոր մոդելների ձեռքբերման նպատակով զենքի և ռազմական տեխնիկայի մատակարարման պայմանագրեր են կնքվել մի շարք ռեզիդենտ և ոչ ռեզիդենտ ընկերությունների հետ։ Շարունակվել են նաև ինժեներաշինարարական աշխատանքները։ Աշխատանքներ են տարվել մշտական զորքերի տեղակայման վայրերի կառուցման և վերանորոգման ուղղությամբ»,- ասել է նախարարը։

Վերջերս ադրբեջանական մամուլը տարածում է լուրեր այն մասին, որ հայ-ադրբեջանական սահմանին հայկական կողմը խախտում է հրադադարի ռեժիմը: ՀՀ ՊՆ-ն օրեր շարունակ հերքել է տարածվող լուրերը՝ պնդելով, որ Ադրբեջանը ապատեղեկատվություն է տարածում: