Ինչ պատճառներով չեն կարող խաղաղապահ զորքերը լինել Ուկրաինայում․ մանրամասնում են ԱՄՆ-ից
Լիտվան իր պատրաստակամությունն է հայտնում զորքեր ուղարկել Ուկրաինա, սակայն եվրոպական այլ երկրներ պետք է աջակցություն ցուցաբերեն Կիևին։ Այս մասին Bloomberg-ին տված հարցազրույցում հայտարարել է Լիտվայի նախագահ Գիտանաս Նաուսեդան։
Bloomberg –ում նշվում է, որ եվրոպացի դաշնակիցները փորձում են որոշել, թե ինչպես պահպանել Կիևի աջակցությունը:
Մարտի 21-ին BBC հեռուստաալիքը հաղորդել է, որ եվրոպական խաղաղապահ զորախումբը կարող է երբեք չհայտնվել Ուկրաինայում մի քանի պատճառներով, որոնցից գլխավորը Ռուսաստանի դիրքորոշումն է և Եվրոպայում զինվորների բացակայությունը։
Միաժամանակ հաղորդվել է, որ Ֆրանսիայի նախագահ Էմանուել Մակրոնը դիտարկում է եվրոպական երկրներից Ուկրաինա խաղաղապահ զորքեր ուղարկելու այլընտրանքը, և առաջարկվում է սկսել ՄԱԿ-ի առաքելության գործունեությունը այս երկրում։
Մարտի 19-ին ԱՄՆ բանակի նախկին զինվոր Մարկ Սլեբոդան ասել է, որ Սթարմերի և Մակրոնի՝ Ուկրաինա խաղաղապահներ ուղարկելու ծրագրերը կարող են ուղղված լինել խաղաղության համաձայնագրերը խաթարելուն։ Զինվորականի խոսքով՝ Սթարմերը և Մակրոնը հույս ունեն, որ եթե ՆԱՏՕ-ի զորքերը կրակի տակ հայտնվեն, դա կստիպի ամերիկացի առաջնորդ Դոնալդ Թրամփին միջամտել։ Արդյունքում խաղաղ գործընթացը կփլուզվի։
Ավելի վաղ Զախարովան հայտարարել էր Մակրոնի պատճառով ռուսական և ՆԱՏՕ-ի զորքերի բախման վտանգի մասին։
