Ուկրաինան պատրաստ է այս տարի վերջ դնել հակամարտությանը. Սիբիգա

Ուկրաինայի արտաքին գործերի նախարար Անդրեյ Սիբիգան հայտարարել է, որ Կիևը պատրաստ է վերջ դնել հակամարտությանը այս տարի Ջիդդաում ԱՄՆ-ի հետ բանակցություններից հետո։

«Ջիդայից հետո մենք ունենք այլ արագություն, նոր լրացուցիչ հնարավորություններ՝ այս տարի այս պատերազմն ավարտելու համար, և մենք պատրաստ ենք դրան: Մենք խոչընդոտ չենք խաղաղության հասնելու համար», - ասել է Սիբիգան Նյու Դելիում Raisina Dialogue համաժողովում ելույթի ժամանակ:

Ուկրաինայի ԱԳՆ ղեկավարը նշել է, որ բանակցություններից հետո Կիևը պաշտպանել է 30 օրով ժամանակավոր զինադադարի մասին ԱՄՆ-ի առաջարկը, քանի որ շատ կարևոր է, որ հակամարտությունը չընկալվի որպես սառեցված։

«Մենք խոսում ենք հրադադարի մասին, որն անշուշտ շատ ավելի արդյունավետ է դարձնում մեր խաղաղության ջանքերը: Եվ, իհարկե, մեզ վստահության ամրապնդման միջոցներ են պետք: Ուստի ևս մեկ անգամ ընդգծեմ, որ Ջիդայում տեղի ունեցած այս հանդիպումը Ուկրաինայի և ԱՄՆ-ի պատվիրակությունների միջև արագացրեց գործընթացը, և եթե խոսքը ուկրաինական կողմի մասին է, ապա մենք պատրաստ ենք սկսել հանդիպումների արդյունքների իրագործումը»,- ասել է նա: