Լիակատար պատասխանատվություն է կրելու. Իրանից արձագանքել են Թրամփին

ՄԱԿ-ում Իրանի մշտական ներկայացուցիչ Սաիդ Իրավանին հերքել է ԱՄՆ նախագահի մեղադրանքները Իրանի կողմից Եմենի ուժերին աջակցելու վերաբերյալ՝ նախազգուշացնելով Վաշինգտոնին, որ նա լիակատար պատասխանատվություն է կրելու Թեհրանի դեմ ագրեսիվ ցանկացած գործողության համար: 

ՄԱԿ-ի գլխավոր քարտուղար Անտոնիո Գուտերեշին և ՄԱԿ-ի անվտանգության խորհրդի նախագահ Քրիստինա Մարկուս Լասենին ուղղված նամակում Իրանի մշտական ներկայացուցիչը հիշեցրել է ԱՄՆ-ին, որ Իրանը վճռականորեն կպաշտպանի իր ինքնիշխանությունը, տարածքային ամբողջականությունը և ազգային շահերը միջազգային իրավունքին համապատասխան ցանկացած թշնամական գործողություններից:

«Ես ցանկանում եմ իմ խորը մտահոգությունն ու աներկբա դատապարտումը հայտնել ԱՄՆ վարչակազմի բարձրաստիճան պաշտոնյաների, այդ թվում՝ Իրանի դեմ անհիմն մեղադրանքներ առաջադրող նախագահի վերջին ռազմատենչ հայտարարությունների վերաբերյալ և Իրանի դեմ ուժի կիրառման բացահայտ սպառնալիքով։

Նման սադրիչ հռետորաբանությունն իրենից ներկայացնում է միջազգային իրավունքի հիմնարար սկզբունքների և ՄԱԿ-ի կանոնադրության աղաղակող խախտում»,- ասել է Իրանի մշտական ներկայացուցիչը։