Եռակողմ աշխատանքային խումբը փակվե՞լ է. Օվերչուկ

Հայաստանի, Ռուսաստանի և Ադրբեջանի եռակողմ աշխատանքային խումբը չի փակվել, գործընկերների դիմումով Ռուսաստանը հաճույքով կշարունակի աշխատանքը: Այս մասին հայտարարել է ՌԴ փոխվարչապետ Ալեքսեյ Օվերչուկը:

«Հիմա այն, այսպես ասած, քնած վիճակում է։ Դա կարող ենք արձանագրել, բայց մենք գիտենք, որ գործընկերների միջև շփումներ են իրականացվում այս թեմայով»,- ասել է ՌԴ փոխվարչապետը։

Իր խոսքով՝ գլոբալ հարավի բոլոր երկրները կարող են ներգրավվել Հյուսիս-հարավ միջանցքում, ինչի համար աշխատանքներ են տարվում Ադրբեջանի, Իրանի, Ղազախստանի և Թուրքմենստանի հետ։