Պուտինը պայման է դրել Ուկրաինայում պատերազմը կանգնեցնելու համար

ԱՄՆ նախագահ Դոնալդ Թրամփի հետ հեռախոսազրույցի ընթացքում ՌԴ նախագահ Վլադիմիր Պուտինը վերահաստատել է իր սկզբունքային հավատարմությունը ուկրաինական հակամարտության խաղաղ կարգավորմանը, հայտնում է Կրեմլը։

Պուտինը հայտարարել է, որ պատրաստ է աշխատել իր ամերիկացի գործընկերների հետ՝ Ուկրաինայում իրավիճակի կարգավորման հնարավոր ուղիներ մշակելու համար, որոնք, ըստ նրա, պետք է լինեն կայուն և երկարաժամկետ։ Նրա կարծիքով, կարգավորումը պետք է հաշվի առնի ճգնաժամի բուն պատճառները վերացնելու բացարձակ անհրաժեշտությունը, ինչպես նաև անվտանգության ոլորտում Ռուսաստանի օրինական շահերը։

 Մեկնաբանելով 30-օրյա զինադադարի նախաձեռնությունը՝ Ռուսաստանի նախագահը նշել է մի շարք կարևոր կետեր, որոնք վերաբերում են հնարավոր զինադադարի վերահսկողության ապահովմանը։

 «Հակամարտության սրումը կանխելու հիմնական պայմանը պետք է լինի արտաքին ռազմական օգնության և Կիևին հետախուզական տվյալների տրամադրման ամբողջական դադարեցումը»,- կարծում է Կրեմլը։