Ես վտանգավոր կլինեմ ինչպես բանտում, այնպես էլ մահից հետո. Սաակաշվիլի
Սաակաշվիլին իր կայացրած դատավճիռն անվանել է «սպառնալիք Զելենսկուն»: Այս մասին գրել են տեղի ԶԼՄ-ները:
«Ես ձեզ համար վտանգավոր կլինեմ ինչպես բանտում, այնպես էլ մահից հետո։ Վրաստանի ազատության գաղափարը և Սաակաշվիլիի հոգին դուք չեք ոչնչացնի։
Մենք պայքարում ենք, և մենք կհաղթենք: Այս որոշումը պարզապես վրեժխնդրություն չէ ինձանից: Սա սպառնալիք է Զելենսկուն։
Նրանք ուզում են ցույց տալ, թե ինչ է սպասում իրեն, եթե նա չհանձնի Ուկրաինան։ Ինձ պատժում են 2008-ին երկիրը չհանձնելու, 2004-ին Աջարիան Վրաստանի իրավազորությանը վերադարձնելու, կոռուպցիան հաղթահարելու, ժողովրդի, այլ ոչ թե իմ գրպանի համար պայքարելու համար»,- հայտարարել Է Վրաստանի նախկին նախագահը։
