Դա արվել է Ալիևի հայտարարությունն արդարացնելու համար. Սիմոնյան

Դա արվել է Ալիևի հայտարարությունն արդարացնելու համար: Այս մասին ասել է ԱԺ նախագահ Ալեն Սիմոնյանը, անդրադառնալով խաղաղության համաձայնագրի բանակցությունների ավարտից հետո սահմանին հրադադարի ռեժիմի խախտման մասին ադրբեջանական կողմի հայտարարություններին: 

«Երբ ասում էր, թե հայկական կողմի համար զրոյին մոտ վստահություն կա, որն ինձ համար ինքնին զարմանալի է, որովհետև մեր աշխատանքը և գործելաոճը՝ նույն այդ պայմանագրի համաձայնեցված լինելու հրապարակման հետ, տրամաբանություն առաջարկելով՝ խոսում են հակառակի մասին»,- ասել է նա:

Հարցին՝ արդյոք տեղեկատվական սադրանքով ռազմական գործողությունների դիմելու հող չի նախապատրաստվում, Ալեն Սիմոնյանը պատասխանել է, որ այդ քայլերն իրենց «մշտական ոճն են»:

«Ես չեմ կարծում, որ այս փուլում նման քայլի կգնան: Նոր ենք հայտարարել, որ խաղաղության համաձայնագիրը համաձայնեցված է: Եվ ակնհայտ է ԵՄ դիտորդների գնահատականը: Աշխարհը Ադրբեջանի տելեգրամյան ալիքների վրա հիմնվելով չի կազմում իր կարծիքը»: