Ուկրաինան կարող է տարածքներ զիջել Ռուսաստանին. ԱՄՆ

ԱՄՆ նախագահի խորհրդական Մայք Ուոլցը չի բացառել, որ Ուկրաինան կարող է որոշ տարածքներ զիջել Ռուսաստանին՝ հակամարտության կարգավորման գործընթացում։ Այս մասին նա ասել է Fox News-ին տված հարցազրույցում։

Զրույցի ընթացքում հեռուստաալիքի հաղորդավարը հարցրել է Վալցին, արդյո՞ք նա հավատում է, որ Ուկրաինան չի դառնա ՆԱՏՕ-ի անդամ, և որ նրա տարածքների մի մասը, մասնավորապես Դոնբասը կամ ռուսալեզու մեծ բնակչություն ունեցող տարածքները, կարող են դառնալ Ռուսաստանի Դաշնության մաս՝ որպես խաղաղ բանակցությունների սկիզբ։ Վալցը հաստատել է, որ հաղորդավարը ճիշտ է այս ամենը մեկնաբանել։

Նա հավելել է, որ նման հարցերի շուրջ քննարկումներ են ընթանում հակամարտության երկու կողմերի հետ։ Խորհրդականի խոսքով՝ տարածքային զիջումների հնարավորությունը դիտարկվում է որպես ապագա բանակցությունների պոտենցիալ բաղադրիչներից մեկը։

Ավելի վաղ ԱՄՆ պետքարտուղար Մարկո Ռուբիոն հայտարարել էր, որ Սաուդյան Արաբիայում կայացած բանակցությունների ընթացքում ԱՄՆ ներկայացուցիչները ուկրաինական կողմի հետ քննարկել են տարածքային զիջումների հարցը։