Պատմության մեջ բացարձակ ճշմարտություն չկա. Փաշինյան

Պատմության մեջ բացարձակ ճշմարտություն չկա, պատմության յուրաքանչյուր ընկալում իրականում քաղաքական ընկալում է։ Այս մասին ՀՀ նախաձեռնությամբ Հայաստանում գտնվող թուրքական լրատվամիջոցների հետ զրույցում նշել է վարչապետ Նիկոլ Փաշինյանը, հայտնում է «Անադոլու» լրատվական գործակալությունը։

«Իմ ընկալմամբ, պատմության մեջ բացարձակ ճշմարտություն չկա, պատմության յուրաքանչյուր ընկալում իրականում քաղաքական ընկալում է», - նշել է Փաշինյանը, ապա խոսելով Հայոց ցեղասպանության մասին՝ հավելել է․ «Մեր պաշտոնական դիրքորոշումն այն է, որ միջազգային ճանաչումն այսօր մեր արտաքին քաղաքականության առաջնահերթություններից չէ»:

Այնուհետև Փաշինյանը խոսել է ՀՀ Սահմանադրության մեջ Արևմտյան Հայաստան տերմինի բացակայության, ինչպես նաև Ադրբեջանի հետ խաղաղության «երևալու» հանգամանքներից։

Խաղաղությունը և լավ հարաբերությունները մեզ առաջին հերթին պետք են մեր միջավայրի, մեր անմիջական հարևանների հետ: Այս մասին թուրքական լրատվամիջոցների հետ հանդիպման ժամանակ հայտարարել է ՀՀ վարչապետ Նիկոլ Փաշինյանը

«Պատմությունն ինչի համար ենք օգտագործում, որ պատմական կոնֆրոնտացիաները դառնան հավիտենակա՞ն, թե՝ պատմական կոնֆրոնտացիաները մեզ համար ուղերձ են խաղաղ, համագործակցված, կայուն տարածաշրջանային իմաստով ապագա կառուցելու համար: Ես այս երկրորդ ընկալման կողմնակիցն եմ»,-ասել է նա: