«Այո, նա Սորոսի խամաճիկն է». Մասկ

Միլիարդատեր եւ ԱՄՆ նախագահի դաշնակից Իլոն Մասկը իր X սոցիալական ցանցում հերթական գրառմամբ հարձակվել է Լեհաստանի արտգործնախարար Ռադոսլավ Սիկորսկու վրա։

Վերջերս X սոցիալական ցանցի սեփականատերը Սիկորսկուն «փոքր մարդ» էր անվանել։ Դա տեղի է ունեցել բանավոր վեճի ժամանակ, որը սկսվել է այն բանից հետո, երբ Մասկը սպառնացել է անջատել Starlink-ը Ուկրաինայում։

«Այո, նա Սորոսի խամաճիկն է»,-  գրել է Իլոն Մասկը՝ նկատի ունենալով Լեհաստանի արտգործնախարարին։ Գրառման մեջ, որին պատասխանել է Մասկը, հեղինակն ընդգծել է, որ Ռադոսլավ Սիկորսկին «Ալեքս Սորոսի՝ միլիարդատեր եւ բարերար Ջորջ Սորոսի որդու ընկերն է»։

Կիրակի Ռադոսլավ Սիկորսկին վիճաբանության մեջ է մտել Մասկի եւ ԱՄՆ պետքարտուղար Մարկո Ռուբիոյի հետ։ Մասկը սպառնացել է Ուկրաինային, որ եթե փակի Starlink-ը, ապա ամբողջ ուկրաինական ճակատը կփլուզվի։

Սիկորսկին արձագանքել է նրան՝ նշելով, որ Starlink-ի ծառայություններն Ուկրաինայի համար վճարում է Լեհաստանի կառավարությունը, եւ նման սպառնալիքները ստիպում են մտածել ծառայություններ մատուցողի հուսալիության մասին։