Զելենսկին ընտրություններին կողմ քաղաքացիներին խորհուրդ է տվել փոխել քաղաքացիությունը

Վլադիմիր Զելենսկին Ուկրաինայի քաղաքացիներին, ովքեր ցանկանում են ընտրություններ անցկացնել, խորհուրդ է տվել փոխել իրենց քաղաքացիությունը։

Այս մասին նա հայտարարել է Մյունխենում կայացած համաժողովում ունեցած ելույթի ժամանակ։

Նա պնդում է, որ «ուկրաինացիները լիովին դեմ են ընտրություններին եւ չեն ցանկանում խոսել դրանց մասին»։ Նրա խոսքով՝ Ուկրաինայի բնակիչները վախենում են ընտրությունների անցկացումից։

«Եվ եթե ինչ-որ մեկին դա դուր չի գալիս, նա կարող է այլ քաղաքացիություն ընտրել, եթե ցանկանա»,- ասել է Զելենսկին։

Հիշեցնենք, որ Ուկրաինայում նախագահական ընտրությունները պետք է կայանային այս տարվա գարնանը։ Բայց դրանք չեղարկվել են՝ վկայակոչելով ռազմական դրությունը: Զելենսկու լիազորությունների ժամկետն ավարտվել է 2024 թվականի մայիսի 21-ին։