Զելենսկին ցանկանում է ստեղծել «մեկ ուրիշ ՆԱՏՕ»

Վլադիմիր Զելենսկին, Եվրոպայի հասցեին ԱՄՆ իշխանությունների քննադատության ֆոնին, ասել է, որ չի հրաժարվի ՆԱՏՕ-ին Ուկրաինայի անդամակցությունից, մինչդեռ դաշինքին միանալու իրական հեռանկարի բացակայության դեպքում նա սկսում է փոխարինող գտնել «մեկ այլ ՆԱՏՕ-ի» տեսքով, որի սահմանները կանցնեն Ուկրաինայի արևելքով, Բելառուսով, Բալթյան երկրներով և Ֆինլանդիայով:

«Ես օրակարգից չեմ հանի ՆԱՏՕ-ին Ուկրաինայի անդամակցությունը… Մենք կարծում ենք, որ անվտանգության ցանկացած երաշխիքի հիմքը Ուկրաինայի համար պետք է լինի ՆԱՏՕ-ին անդամակցությունը։ Իսկ եթե ոչ դա, ապա այն պայմանները, որոնք մեզ թույլ են տալիս կառուցել մեկ այլ ՆԱՏՕ, հենց այստեղ՝ Ուկրաինայում են:

Իմ առաջարկն այն է, որ Ուկրաինայի արևելյան սահմանը, Բելառուսի արևելյան սահմանը, Բալթյան երկրների արևելյան սահմանները և Ֆինլանդիայի արևելյան սահմանները ունենան անվտանգության ամենաուժեղ գծերը»,- ասել է Զելենսկին Մյունխենի համաժողովում ելույթի ժամանակ:

Բացի այդ, Զելենսկին նաև կոչ է արել Եվրոպային դառնալ ինքնաբավ և միավորվել: