Վուչիչը՝ Մայիսի 9-ին Թրամփի Մոսկվա գնալու մասին
Սերբիայի նախագահ Ալեքսանդր Վուչիչն առաջարկել է, որ եթե Ուկրաինայում խաղաղություն հաստատվի, ԱՄՆ նախագահ Դոնալդ Թրամփը կգա Մոսկվա Հաղթանակի շքերթին։
Դեկտեմբերին Վուչիչը հայտարարեց, որ պայմանավորվել է Սլովակիայի վարչապետ Ռոբերտ Ֆիկոյի հետ միասին Բելգրադից Մոսկվա մեկնել մայիսի 9-ին կայանալիք Հաղթանակի շքերթին։
«Կան մեծ փոփոխություններ: Մենք հետևում ենք, թե ինչ է տեղի ունենում. ամեն ինչ ավելի է բարդանում մի կողմից ԱՄՆ-ի և Ռուսաստանի, մյուս կողմից՝ Ուկրաինայի և Եվրոպայի միջև: Ես հաստատել եմ, որ մայիսի 9-ին մեկնում եմ Մոսկվա, այդ ժամանակ նաև Թրամփը կարող է լինել Կարմիր հրապարակում»,- Վուչիչի խոսքը մեջբերում է «Večernje Novosti» հրատարակության պորտալը։
Սերբիայի նախագահը նոյեմբերի 19-ին ասել է, որ եթե «աշխարհի վերջը» չլինի, ինքը ՌԴ նախագահ Վլադիմիր Պուտինի հրավերով Մոսկվայում ներկա կգտնվի ֆաշիզմի դեմ տարած հաղթանակի 80-ամյակին։ Դեկտեմբերի կեսերին Վուչիչը հայտարարեց, որ մայիսի 9-ին Մոսկվայում կայանալիք Հաղթանակի շքերթին մասնակցելու է նաև Սլովակիայի վարչապետը։
