Ով է գլխավորելու ԱՄՆ պատվիրակությունը՝ Ուկրաինայի հարցով հանդիպման ժամանակ. մանրամասներ

Սպասվում է, որ ԱՄՆ նախագահ Դոնալդ Թրամփի ազգային անվտանգության հարցերով խորհրդական Մայք Ուոլցը և Մերձավոր Արևելքի հարցերով ԱՄՆ առաջնորդի հատուկ բանագնաց Սթիվ Վիտկոֆը կգլխավորեն ԱՄՆ պատվիրակությունը Ուկրաինայի հարցով Սաուդյան Արաբիայում հանդիպմանը, հայտնում է Bloomberg-ը՝ հղում անելով աղբյուրներին։

«Սպասվում է, որ Սաուդյան Արաբիայում բանակցությունները կղեկավարեն ազգային անվտանգության հարցերով խորհրդական Մայք Ուոլցը և հատուկ բանագնաց Սթիվ Ուիտկոֆը»,- ասվում է հրատարակության մեջ։

Գործակալության տվյալներով՝ Սաուդյան Արաբիայի իշխանությունները Ռուսաստանին, ԱՄՆ-ին և Ուկրաինային հրավիրել են հանդիպել Ռիադում։ Bloomberg-ն ընդգծում է, որ բանակցությունները վարելու է Սաուդյան Արաբիայի ազգային անվտանգության հարցերով խորհրդական Մուսաիդ բին Մուհամմեդ ալ-Այբանը։

«Եվ թեև հանդիպմանը ներկա կլինեն  ուկրաինացի պաշտոնյաներ, նրանք նույնպես, ըստ երևույթին, անտեղյակ են բոլոր նախապատրաստական ​​աշխատանքներից»,- հավելում է հրատարակությունը։

Ինչպես նշում է գործակալությունը, «եվրոպացիների մեծ մասը դեռ տեղեկացված չէ»։

Թրամփը փետրվարի 13-ին հայտարարեց, որ Ռուսաստանի, Ուկրաինայի և Միացյալ Նահանգների բարձրաստիճան ներկայացուցիչները կհանդիպեն Մյունխենի անվտանգության համաժողովում։ Ավելի ուշ նա ասաց, որ հաջորդ շաբաթ ԱՄՆ-ը, Ռուսաստանը և Ուկրաինան բարձր մակարդակով հանդիպում կանցկացնեն Սաուդյան Արաբիայում: