Թրամփը նոր ժամկետ է դրել Ուկրաինայում զինադադարի համար. Bloomberg
ԱՄՆ նախագահ Դոնալդ Թրամփի վարչակազմը եվրոպացի պաշտոնյաներին տեղեկացրել է, որ հույս ունի Ուկրաինայում զինադադարի հասնել մինչև Սուրբ Զատիկ՝ ապրիլի 20-ը։ Այս մասին հայտնում է Bloomberg գործակալությունը։
2025 թվականին կաթոլիկներն ու ուղղափառները Սուրբ Զատիկը կնշեն նույն օրը։
Ուկրաինայի հարցով Սաուդյան Արաբիայի բանակցություններին ծանոթ մի քանի պաշտոնյաներ հակամարտությունը կարգավորելու Վաշինգտոնի ժամանակացույցը անվանեցին «հավակնոտ և պոտենցիալ անիրատեսական»: Ըստ գործակալության աղբյուրներից մեկի՝ ամենահավանական հեռանկարը ուկրաինական հակամարտության կարգավորումն է մինչև տարեվերջ։
