Զելենսկին հայտնել է, թե քանի խաղաղապահ է պետք խաղաղություն պահպանելու համար

Ուկրաինայի և Ռուսաստանի միջև խաղաղություն պահպանելու համար անհրաժեշտ կլինի 100 հազար խաղաղապահ։ Ուկրաինացի զինվորականներն արդեն քարտեզ են պատրաստել դաշնակիցների համար, ըստ РБК-Украина-ի՝ Խմելնիցկի ատոմակայան կատարած այցի ժամանակ հայտարարել է Ուկրաինայի նախագահ Վլադիմիր Զելենսկին:

Ուկրաինայի նախագահն ընդգծել է, որ անհնար է հրադադար կազմակերպել առանց անվտանգության երաշխիքների։ Անվտանգության երաշխիքները կարող են ներառել Ուկրաինայի՝ ՆԱՏՕ-ին միանալը, սպառազինությունների փոխանցումը, միջուկային զենքը կամ զսպման որոշակի փաթեթը:

«Կամ էլ ստիպված կլինենք «ՆԱՏՕ-ն կառուցել Ուկրաինայում»: Եվ այդ ժամանակ մեզ անհրաժեշտ կլինեն զենքի մատակարարումներ, ինչպես նաև եվրոպացիների և ամերիկացիների զորախումբը»,-նշել է Զելենսկին։

«Զորախումբը 5-7 հազարանոց չէ, բայց ես մեր զինվորականներին հանձնարարություն եմ տվել՝ հաշվեք ու ցույց տվեք կետերը։ Մենք քարտեզ ենք գծել, եթե մի բան պատահի, մեզ մոտ ամեն ինչ պատրաստ է, և ես կարող եմ Մյունխենում խոսել դրա մասին։ Բայց շատ բացեիբաց չէ: Մեզ այնտեղ 100 հազար մարդ է պետք, խոսքը 5 հազարի մասին չէ»,- նշել է Ուկրաինայի նախագահը։