Որ դեպքում է ՌԴ-ն պատրաստ երկխոսության
Ռուսաստանը պատրաստ է Ուկրաինայի հարցով երկխոսության, որի ընթացքում պետք է ապահովվեն մեր երկրի օրինական շահերը։ Այդ մասին հայտարարել է ՌԴ ԱԳ նախարար Սերգեյ Լավրովը՝ փոխանցում է РИА НОВОСТИН:
Նա հավելել է, որ բանակցությունները պետք է ընթանան անվտանգության համապարփակ համակարգի մասին պայմանավորվածության համատեքստում, որի շրջանակներում ոչ ոք չի խոցվի։
Հիշեցնենք՝ հունվարի 24-ին Ռուսաստանի նախագահ Վլադիմիր Պուտինը հերթական անգամ հաստատել է Մոսկվայի պատրաստակամությունը՝ բանակցություններ վարելու Ուկրաինայի հակամարտության կարգավորման շուրջ: Ընդ որում, նա մատնանշել է առկա խոչընդոտները, որոնցից գլխավորը Ուկրաինայի ղեկավարության գործողություններն են։
