Պեսկովի արձագանքը Թրամփի և Պուտինի հեռախոսազրույցի վերաբերյալ
ՌԴ նախագահի մամուլի քարտուղար Դմիտրի Պեսկովը չի հաստատել և չի հերքել ՌԴ առաջնորդ Վլադիմիր Պուտինի և ԱՄՆ նախագահ Դոնալդ Թրամփի հեռախոսազրույցի մասին տեղեկությունը։
«Քանի որ Վաշինգտոնի վարչակազմն իր աշխատանքն է ծավալում, բազմաթիվ տարատեսակ հաղորդակցությունների կարիք է առաջանում, և այդ շփումներն իրականացվում են տարբեր ուղիներով, և, իհարկե, այդ հաղորդակցությունների բազմակի ֆոնին ես անձամբ կարող եմ ինչ-որ բան չիմանալ, ինչ-որ բանից տեղյակ չլինել: Հետևաբար, այս դեպքում չեմ կարող ոչ հաստատել, ոչ հերքել դա»,- ասել է նա:
Ավելի վաղ հայտնել էինք, որ Թրամփը հեռախոսով խոսել է ռուս գործընկերոջ հետ Ուկրաինայի հակամարտության կարգավորման հարցերի շուրջ։
