Եթե Իսրայելը չլիներ, Իրանը դա 10 տարի առաջ կունենար. Նեթանյահու
Իրանը կկարողանար միջուկային զենք ունենալ 10 տարի առաջ, եթե Իսրայելը նրան չխանգարեր։ Այս մասին Fox News-ի հարցազրույցում հայտնել է Իսրայելի վարչապետ Բենիամին Նեթանյահուն։
«Կասկած չկա, որ Իրանը պատրաստվում է միջուկային զենք ձեռք բերել։ Նրանք, հավանաբար, այն կունենային 10 տարի առաջ, եթե մենք չձեռնարկեինք տարբեր գործողություններ նրանց զսպելու համար»,- ասել է նա։
«Մենք դանդաղեցրինք նրանց ընթացքը, բայց ամբողջությամբ չխանգարեցինք»,- ավելացրել է Նեթանյահուն։
Axios պորտալը, հղում կատարելով աղբյուրներին, հայտնել է, որ Նեթանյահուն ծրագրել է ԱՄՆ նախագահ Դոնալդ Թրամփի հետ բանակցությունների ընթացքում փորձել համոզել նրան Իսրայելի բանակին մատակարարել զենք, որը կարող է ոչնչացնել Իրանի միջուկային օբյեկտները, որոնք գտնվում են խորը գետնի տակ: Պորտալի զրուցակիցները նշել են, որ նման հարված կարող է հասցվել, եթե Թեհրանի միջուկային ծրագրի շուրջ ստեղծված իրավիճակի դիվանագիտական կարգավորման բանակցությունները ձախողվեն։
