Պեսկովը՝ Թրամփի որոշման մասին
Ռուսաստանը մտադիր է շարունակել սերտ հարաբերությունները Իրանի հետ: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք մտադիր ենք շարունակել սերտ հարաբերություններն Իրանի հետ, որը մեր գործընկերն է։ Մենք ամենատարբեր ոլորտներում ունենք բազմակողմանի համագործակցություն և կշարունակենք ու կզարգացնենք դրանք», - ասել է Պեսկովը՝ պատասխանելով Իրանի վրա «առավելագույն ճնշման» քաղաքականությունը վերսկսելու՝ Թրամփի որոշման մասին լրագրողների հարցին:
Փետրվարի 4-ին ԱՄՆ նախագահ Դոնալդ Թրամփը հրամանագիր է ստորագրել Իրանի դեմ առավելագույն ճնշում գործադրելու մասին՝ միաժամանակ հույս հայտնելով, որ Միացյալ Նահանգները ստիպված չի լինի այն հաճախակի գործադրել: Ի պատասխան, Իրանի ԱԳ նախարար Աբբաս Արաղչին հայտարարել է, որ իր երկրի վրա «առավելագույն ճնշման»՝ Դոնալդ Թրամփի կողմից առաջարկվող քաղաքականությունը ձախողված է:
