Նիկոլ Փաշինյանը պատժել է Մարուքյանին կնոջ միջոցով. «Ժողովուրդ»
«Ժողովուրդ» օրաթերթը գրում է.
«Նիկոլ Փաշինյանն իր երբեմնի ընկերոջ՝ թիմակից Էդմոն Մարուքյանի կնոջը՝ Տաթև Մատինյանին, ազատել է աշխատանքից: Վերջինս 2023 թվականին, երբ Մարուքյանը հատուկ հանձնարարություններով դեսպանի «պատվավոր» պաշտոնն էր զբաղեցնում, նշանակվել էր Արբիտրաժի հաշտարարության հայաստանյան կենտրոնի տնօրեն, որը 2023 թվականին էր հիմնադրվել:
Օրաթերթի տեղեկություններով՝ հենց Փաշինյանի հրահանգով Տաթև Մատինյանը հեռացվել է զբաղեցրած պաշտոնից: Պատճառն էլ Փաշինյանի մշտական համախոհ Մարուքյանի՝ վերջին շրջանի հակաճառություններն ու ընդվզումներն են իշխանությունների հայտարարությունների ու որոշումների դեմ:
Կարելի է ասել՝ Փաշինյանը կնոջ միջոցով պատժել է Մարուքյանին:
Նշենք նաև, որ Տաթև Մատինյանը «Լիբերալ քաղաքականության ինստիտուտ» ՀԿ-ի նախագահն է, որը երբեմն խոսքի ազատությունը սահմանափակող նախագծերով է փորձում հանդես գալ»:
