Իլոն Մասկին նոր կառավարական պաշտոն է շնորհվել

Ամերիկացի միլիարդատեր Իլոն Մասկը այսուհետ պաշտոնապես աշխատում է ԱՄՆ նախագահ Դոնալդ Թրամփի կառավարության հատուկ աշխատակից, հայտնում է CNN-ը՝ հղում անելով Սպիտակ տան ներկայացուցչին։

Լրագրողների կարծիքով՝ դա նշանակում է, որ Մասկը կամավոր չէ, բայց նաև պետական ​​հաստիքային աշխատող էլ չէ։

Պետական ​​հատուկ աշխատող է համարվում «յուրաքանչյուր ոք, ով աշխատում է կամ պահանջվում է աշխատել կառավարության համար 130 օր կամ ավելի քիչ՝ 365 օրվա ընթացքում»: Մասկը աշխատավարձ չի ստանում, CNN-ին հայտնել է նրա աշխատանքին ծանոթ մարդ։ Մասկը նաև ունի անվտանգության հույժ գաղտնի վկայական, ասել է անանուն պաշտոնյան:

Լրագրողները պնդում են, որ որպես պետական ​​հատուկ աշխատակից՝ Մասկը մտնում է ԱՄՆ շահերի բախման մասին օրենքի տակ, որն արգելում է պետական ​​աշխատողներին մասնակցել այնպիսի հարցերի, որոնք կարող են ազդել նրանց ֆինանսական շահերի վրա։ 

Նիշեցնենք, որ Մասկը ավելի քան 250 միլիոն դոլար է ներդրել Թրամփի նախընտրական արշավին։ Գործարարը մասնակցել է օտարերկրյա առաջնորդների հետ Թրամփի հեռախոսազրույցներին և, ըստ լրատվամիջոցների, ազդեցություն է ունեցել նոր վարչակազմի ձևավորման վրա։ Աղբյուրները նշում են, որ Թրամփի թիմում աճում է դժգոհությունը գործընթացում Մասկի չափազանց մեծ ներգրավվածության կապակցությամբ:

Ավելի վաղ Թրամփը հավաստիացրել էր, որ Իլոն Մասկը չի կարող և չի պատրաստվում ոչինչ անել առանց նախագահի վարչակազմի հավանության։