Արգենտինան դուրս կգա ԱՀԿ-ից
Արգենտինայի նախագահ Խավիեր Մայլին կարգադրել է երկիրը դուրս բերել Առողջապահության համաշխարհային կազմակերպությունից (ԱՀԿ), հայտնում է «ՏԱՍՍ»-ը՝ հղում անելով կառավարության պաշտոնական ներկայացուցիչ Մանուել Ադորնիին։
Պատճառների թվում նա առաջին հերթին նշել է «առողջապահական քաղաքականության վերաբերյալ խորը տարաձայնությունները, հատկապես COVID-19 համաճարակի ժամանակ»։
Ադորնին ավելացրել է, որ այդ ժամանակաշրջանում կազմակերպության գործողություններն Արգենտինայի այն ժամանակվա նախագահ Ալբերտո Ֆերնանդեսի կառավարության հետ միասին, «հանգեցրել են մարդկության պատմության ամենաերկար փակմանը՝ այլ պետությունների անկախ քաղաքական կամքի բացակայության պայմաններում»:
