Ադրբեջանը Ռուսաստանի դեմ հայց կներկայացնի AZAL ավիաընկերության ինքնաթիռի կործանման առնչությամբ
Ղազախստանը նախնական զեկույց է հրապարակել 2024 թվականի դեկտեմբերի 25-ին Ակտաուի օդանավակայանի մոտ կործանված «Ադրբեջանական ավիաուղիներ»-ի ինքնաթիռի կործանման հանգամանքների վերաբերյալ։ Ինքնաթիռը Բաքվից Գրոզնի էր թռչում, սակայն վայրէջքի ժամանակ կորցրել է կառավարումը, ըստ ադրբեջանական իշխանությունների՝ «արտաքին ազդեցության հետեւանքով»։ Դրանից հետո այն թռչել է Ղազախստան, սակայն վայրէջք կատարելիս ընկել է գետնին ու ոչնչացվել։
Ադրբեջանը Ռուսաստանի դեմ հայց կներկայացնի միջազգային դատարան` AZAL ավիաընկերության ինքնաթիռի կործանման առնչությամբ և պաշտոնական մակարդակով ՌԴ–ին է ներկայացրել խոցված ինքնաթիռի հետ կապված պայմաններն ու պահանջները:
Ինքնաթիռի վթարի հետևանքով օդանավում գտնվող 62 ուղևորներից և անձնակազմի 5 անդամներից ողջ են մնացել 29 հոգի, ովքեր գտնվել են օդանավի պոչի հատվածում։
Փորձագետների քննարկած ամենահայտնի վարկածներից մեկն այն է, որ Գրոզնիում վայրէջք կատարելիս ինքնաթիռի արբանյակային նավիգացիոն համակարգերը խափանվել են, ինչի հետևանքով այն ստիպված է եղել մի քանի անգամ ընդհատել վայրէջքը և նորից հետ գալ, իսկ հետո այն խոցվել է զենիթահրթիռով։
Ըստ Ադրբեջանի իշխանությունների «Արտաքին ազդեցությունը» հանգեցրել է ադրբեջանական ավիաուղիների ինքնաթիռի կործանմանը:
Շատ մեկնաբաններ պնդում են, որ ինքնաթիռը գնդակոծվել է «երկիր-օդ» հրթիռային համակարգից, քանի որ այն վայրէջք է կատարել Հարավային դաշնային օկրուգում, մասնավորապես՝ Չեչնիայում, ուկրաինական անօդաչու թռչող սարքի հարձակումը հետ մղելու ժամանակ։
Հրապարակված փաստաթուղթը պարունակում է միայն փաստական տեղեկատվություն, այն չի պարունակում փորձագետների եզրակացություններ կամ վերլուծական մեկնաբանություններ:
