Ուկրաինան արձագանքել է Թրամփի պահանջին
Ուկրաինան պատրաստ է ԱՄՆ-ին հասանելիություն տրամադրել երկրի հազվագյուտ հողային ռեսուրսներին՝ ԱՄՆ նախագահ Դոնալդ Թրամփի համապատասխան հայտարարությունից հետո։ Այս մասին գրում է բրիտանական Financial Times թերթը:
«Իհարկե, մենք պատրաստ ենք աշխատել Ամերիկայի հետ», - մեջբերում է հրատարակությունը Զելենսկիին մոտ կանգնած ուկրաինական աղբյուրի խոսքերը։
Նրա խոսքով՝ ԱՄՆ-ին ուկրաինական հազվագյուտ հողային ռեսուրսներ տրամադրելու մասին Թրամփի հայտարարությունը «կարծես թե համահունչ է աշնանը իրեն ներկայացված «հաղթական ծրագրին»։
Թերթի աղբյուրը հայտնել է, որ Ուկրաինան Թրամփին «հատուկ պայմաններ» է առաջարկել առանցքային ռեսուրսների շուրջ համագործակցության համար՝ ընդգծելով դրանք Ռուսաստանից ու Իրանից պաշտպանելու անհրաժեշտությունը։
Թրամփը հայտարարել է, որ պատրաստ է շարունակել աջակցել Ուկրաինային, եթե Կիևը Վաշինգտոնին տրամադրի հազվագյուտ հողային ռեսուրսների հասանելիություն։
