Նոր ծառայությունը բերում է նոր գին. ՔՊ-ականը տրանսպորտի գնի փոփոխության մասին
Տրանսպորտի գնի փոփոխությունը արդարացված է համարում ԱԺ ՔՊ խմբակցության պատգամավոր Հերիքնազ Տիգրանյանը։
«Եկեք ասենք՝ ինչու պետք է գինը բարձրանա, որովհետև ծառայության որակն է փոխվում, ծառայության մատուցման մակարդակն է փոխվում, և, բնականաբար, նոր ծառայությունը բերում է նոր գին»,- լրագրողների հետ ճեպազրույցում ասել է պատգամավորը։
Անդրադառնալով բոյկոտի վերաբերյալ հարցին՝ Տիգրանյանն նշել է, որ բոյկոտողների մեջ ինքը չի տեսել սոցիալապես անապահով խմբեր, քանի որ այդ խմբի անձանց համար զեղչային համակարգ և արտոնություններ են գործում։
Պատգամավորը նաև հիշեցրել է, որ արտոնություններից օգտվողների շրջանակը ընդլայնվել է՝ անկախ Երևանում հաշվառում ունենալու հանգամանքից։
Ըստ նրա՝ բոյկոտ անում են քաղաքական ուժերը, և դա կապ չունի տրանսպորտի թանկացման հետ։
