8 ամսվա աշխատավարձ՝ աշխատանքից դուրս գալու դիմաց. Թրամփ

ԱՄՆ նախագահ Դոնալդ Թրամփի վարչակազմը հայտարարել է, որ առաջարկում է ֆինանսական արտոնություններ բոլոր այն դաշնային աշխատողներին, որոնք մինչև հաջորդ շաբաթ դուրս կգան աշխատանքից։ Այս աննախադեպ քայլը ձեռնարկվում է ԱՄՆ կառավարության աշխատակիցների թիվը կրճատելու նախաձեռնության շրջանակներում։ Այս մասին հայտնել է «The Associated Press» գործակալությունը:

Կառավարությունը կսկսի ստուգել բոլոր դաշնային աշխատակիցների համապատասխանությունը բարձրացված չափանիշներին։ Աշխատակիցներին նաև զգուշացրել են ապագա կրճատումների մասին:

Միլիոնավոր աշխատակիցներին ուղարկված նամակում ասվում է, որ նրանք, ովքեր կամավոր կլքեն իրենց պաշտոնները մինչև փետրվարի 6-ը, կստանան մոտ ութ ամսվա աշխատավարձ։