Մենք չենք մոռացել և չենք մոռանա Զանգեզուրը․ Ալիև
Եթե Հայաստանը ցանկանում է իրականացնել «Խաղաղության խաչմերուկ» նախագիծը, ապա առաջին հերթին պետք է դիմի Ադրբեջանին, քանի որ առանց մեզ դա ընդամենը «թղթի կտոր» է։ Այս մասին հայտարարել Է նախագահ Իլհամ Ալիևը տրանսպորտի հարցերին նվիրված խորհրդակցության ժամանակ:
«Եթե դուք իսկապես ցանկանում եք իրականացնել այդ նախագիծը, ապա առաջին հերթին պետք է դիմեք Ադրբեջանին, քանի որ առանց մեզ դա պարզապես թղթի կտոր է։ Իսկ մեր պայմաններն արդար են, հիմնված են միջազգային իրավունքի և հենց Հայաստանի պարտավորությունների վրա», — ասել է նա։
Ալիևը հավելել է, որ Ադրբեջանը գործնական քայլեր է ձեռնարկում, այսպես կոչված, «Զանգեզուրի միջանցքը» բացելու համար։
«Մենք չենք մոռացել և չենք մոռանա Զանգեզուրը, տարածքային պահանջ չունենք Հայաստանի նկատմամբ, սակայն Երևանը պետք է կատարի ստանձնած պարտավորությունները՝ ապահովելով Ադրբեջանից Նախիջևան անարգել անցումը»,-ասել է Ալիևը։
