Հայտնի են Ուկրաինայի հարցով բանակցությունների մեկնարկի հնարավոր ժամկետները
Ուկրաինայում հակամարտության խաղաղ կարգավորման շուրջ բանակցությունները կարող են սկսվել այս տարվա ապրիլ-մայիս ամիսներին, իսկ մինչ այդ դրանց հավանաբար կնախորդի Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի հանդիպումը: Այս մասին գրում է թուրքական Hurriyet-ը։
«Ակնկալվում է, որ բանակցությունները կսկսվեն ապրիլ-մայիս ամիսներին: Սկզբում կհայտարարվի հրադադար, հետո կսկսվեն խաղաղ բանակցությունները», - նշվում է պարբերականի հրապարակման մեջ։
Թերթը նաև գրում է, որ Թուրքիայի նախագահ Ռեջեփ Թայիփ Էրդողանին կարող է տրվել Ուկրաինայում հակամարտության կարգավորման միջնորդի դերը, իսկ Վլադիմիր Զելենսկին բանակցություններից խուսափելու շանսեր չունի։
